Archaeoleg yr Uwchdiroedd a Thirweddau Milwrol yng Nghymru

Ysgol undydd a drefnwyd gan y Comisiwn Brenhinol mewn partneriaeth â’r Sefydliad Isadeiledd Amddiffyn ac Ymddiriedolaeth Archaeolegol Clwyd-Powys.
9 Mai 2014. Ardal Hyfforddi Pontsenni,
Aberhonddu, Powys

Fe fydd cyfle, yn ystod cinio, i’r cynadleddwyr weld y lluniau a baentiwyd gan garcharorion rhyfel o’r Eidal a’r Almaen ar wal y Gegin yng Ngwersyll Pontsenni ym 1945-6.  Mae’r olygfa hon yn dangos Castell Heidelberg yn ne’r Almaen (DS2011_331_003).

Bydd Fforwm Archaeoleg yr Uwchdiroedd eleni’n cael ei gynnal ar Ddydd Gwener 9 Mai 2014 yng Nghanolfan y Barcud Coch, Ardal Hyfforddi Pontsenni (SENTA) ym Mhowys. Digwyddiadagored fydd hwn, wedi’i gynnal mewn partneriaeth â’r Sefydliad Isadeiledd Amddiffyn ac Ymddiriedolaeth Archaeolegol Clwyd-Powys. Yn y bore cyflwynir adroddiadau’n deillio o arolygon uwchdirol ar hyd a lled Cymru a neilltuir y prynhawn i bapurau’n ymwneud ag archaeoleg tirweddau milwrol yn uwchdiroedd Cymru. Y tâl cofrestru yw £20, sy’n cynnwys cinio eistedd i lawr, lluniaeth a mynediad.

Bydd hwn yn gyfle prin i fynychu digwyddiad yn yr ardal hyfforddi a chlywed mwy am archaeoleg Mynydd Epynt a thirweddau archaeolegol eraill yng Nghymru, ac i ymweld â safleoedd ar y maes yng nghwmni archaeolegwyr a phersonél milwrol. Fe fydd nifer cyfyngedig o leoedd, felly bwciwch yn gynnar.

Rhoddir manylion pellach am y digwyddiad a’r trefniadau bwcio ar wefan y Comisiwn Brenhinol. I gael rhagor o wybodaeth, cysylltwch â David Leighton yn david.leighton@cbhc.gov.uk neu drwy ffonio 01970 621204


Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales