Y Comisiwn Brenhinol yn Darparu Gwasanaethau o Safon Uchel, 2012-13

Bob blwyddyn, bydd staff y Comisiwn Brenhinol yn ymdrechu i ddarparu gwasanaethau o ansawdd uchel ar gyfer ein hamrywiaeth eang o ddefnyddwyr a chwsmeriaid yn y ffordd fwyaf darbodus ac effeithiol bosibl. Byddwn yn gosod dangosyddion perfformiad allweddol, ochr yn ochr â’n hamcanion gweithredol eraill ar gyfer y flwyddyn, i roi mesur o’n perfformiad. Yn ystod 2012/13, o ganlyniad i waith caled ac ymrwymiad ein holl staff, a thrwy sicrhau adnoddau ychwanegol drwy weithio mewn partneriaeth a denu arian o’r tu allan, llwyddasom i gyflawni neu ragori ar ein pymtheg targed, a restrir yn y tabl isod. Rydym yn arbennig o falch ein bod ni’n parhau i ddenu mwy a mwy o bobl i ddefnyddio ein hadnoddau, boed ar ffurf ymweliadau â’n hadnoddau ar-lein; ymchwilwyr yn ceisio gwybodaeth drwy ein gwasanaeth ymholiadau cyhoeddus; pobl yn manteisio ar yr hyfforddiant y gallwn ei ddarparu; neu’r niferoedd sy’n mynychu ein digwyddiadau. Mae galw’r cyhoedd am yr adnoddau ardderchog a ddarparwn yn parhau i dyfu ac mae bodlonrwydd â’n gwasanaethau yn parhau’n uchel. Rydym wedi cynyddu llawer o’n targedau ar gyfer 2013/14 er gwaethaf yr her fawr o ymdopi â gostyngiadau yn ein cyllideb.

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales