Helpwch Ni I Greu Sgwadron Gwlanog – Rydyn Ni Angen Eich Sgiliau Gwau I Esgyn I’r Awyr!

“Edafeddfomio” dros Bont Llangynidr ger Crucywel

I ddathlu Diwrnod Byd-Eang Gwau’n Gyhoeddus (8-16 Mehefin 2013), mae Comisiwn Brenhinol Henebion Cymru yn galw am gymorth ‘edafeddhedwyr’ gwirfoddol i greu sgwadron o awyrennau wedi’u gwau i feddiannu ardaloedd trefol a gwledig.

Gofynnir i wirfoddolwyr ddangos eu sgiliau gwau a darganfod mwy am hanes eu hardaloedd drwy ‘edafeddfomio’ lleoliadau gerllaw sydd i’w cael hefyd mewn ffotograffau Aerofilms.

Meddai Natasha Scullion, Swyddog Gweithgareddau Prydain Oddi Fry: ‘Rydyn ni’n annog pobl sydd wrth eu bodd yn gwau i ymuno â ni drwy ddirwyn eu gwlân ac esgyn i’r awyr gyda Phrydain Oddi Fry!’

Ewch i www.britainfromabove.org.uk a gadewch i gasgliad unigryw Prydain Oddi Fry o awyrluniau gwych a dynnwyd rhwng 1919 a 1953 fod yn ysbrydoliaeth i chi. Mae’r delweddau’n darparu cofnod ffotograffig heb ei ail o Brydain o’r awyr yn yr ugeinfed ganrif. Maen nhw’n dangos y newidiadau enfawr sydd wedi digwydd ym meysydd tai, hamdden, diwydiant, cludiant ac amaeth ac effeithiau dau ryfel byd ar y tir. Gallwch gyrchu mwy na 35,000 o ddelweddau am ddim.

Gallwch lwytho’r cyfarwyddiadau a’r patrwm i lawr o www.britainfromabove.org.uk a thrwy borthiant Twitter Prydain Oddi Fry English Heritage @AboveBritain.

Mae cymryd rhan yn hawdd.
Cam 1. Ewch ati i wau eich awyren. Defnyddiwch ein patrwm ni neu eich patrwm eich hun. Rhowch rwydd hynt i’ch dychymyg ...
Cam 2. Ewch i www.britainfromabove.org.uk  i ddod o hyd i ddelweddau o’ch ardal chi a dewiswch hoff leoliad. Os dymunwch, gadewch eich campwaith i bobl eraill ei fwynhau.
Cam 3. Llwythwch eich llun i fyny i’n grŵp GWAU dros Brydain Oddi Fry yn www.britainfromabove.org.uk/groups/knit-britain-above i ymuno â rhengoedd eich cyd ‘edafeddhedwyr’.

Claude Graham-White yn hedfan awyren Farman yn Bournemouth, 1910

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales